నవతెలంగాణ-హైదరాబాద్ : బిహార్లో ఢిల్లీ-కోల్కతా జాతీయ రహదారి-19పై అత్యంత దయనీయమైన పరిస్థితి నెలకొంది. గత నాలుగు రోజులుగా దాదాపు 65 కిలోమీటర్ల మేర ట్రాఫిక్ పూర్తిగా స్తంభించిపోయింది. వందలాది వాహనాలు బారులు తీరి ఎక్కడికక్కడ నిలిచిపోవడంతో వాహనదారులు, ప్రయాణికులు నరకయాతన అనుభవిస్తున్నారు.
గత శుక్రవారం రోహ్తాస్ జిల్లాలో కురిసిన కుండపోత వర్షాల కారణంగా ఈ దుస్థితి ఏర్పడింది. జాతీయ రహదారి విస్తరణ పనుల్లో భాగంగా నిర్మాణ సంస్థ ఏర్పాటు చేసిన సర్వీస్ రోడ్లు, ప్రత్యామ్నాయ మార్గాలు వరద నీటిలో మునిగిపోయాయి. దీంతో రోడ్లన్నీ భారీ గుంతలతో ఛిద్రమైపోయాయి. నీరు నిలిచిపోవడంతో వాహనాలు ముందుకు కదలడం గగనంగా మారింది. గంటలు గడిచేకొద్దీ ట్రాఫిక్ జామ్ మరింత తీవ్రమై రోహ్తాస్ నుంచి ఔరంగాబాద్ వరకు విస్తరించింది. పరిస్థితి ఎంత దారుణంగా ఉందంటే, 24 గంటల్లో వాహనాలు కేవలం ఐదు కిలోమీటర్ల దూరం కూడా ప్రయాణించలేకపోతున్నాయి.
గంటల తరబడి ట్రాఫిక్లో చిక్కుకుపోయిన ట్రక్కు డ్రైవర్ల వేదన వర్ణనాతీతంగా ఉంది. “గత 30 గంటల్లో మేము కేవలం 7 కిలోమీటర్లే ముందుకు వెళ్లాం. టోల్ ఫీజు, రోడ్డు పన్నులు అన్నీ చెల్లిస్తున్నా మాకు ఈ నరకం తప్పడం లేదు. ఇక్కడ జాతీయ రహదారుల ప్రాధికార సంస్థ (ఎన్హెచ్ఏఐ) సిబ్బంది గానీ, స్థానిక అధికారులు గానీ ఎవరూ కనిపించడం లేదు” అని ప్రవీణ్ సింగ్ అనే ట్రక్కు డ్రైవర్ ఆవేదన వ్యక్తం చేశారు. “రెండు రోజులుగా తిండి, నీళ్లు లేక ఇక్కడే పడి ఉన్నాం. కొన్ని కిలోమీటర్లు వెళ్లడానికే గంటల సమయం పడుతోంది” అని సంజయ్ సింగ్ అనే మరో డ్రైవర్ వాపోయారు.
ఈ ట్రాఫిక్ జామ్ వల్ల వ్యాపార కార్యకలాపాలు కూడా తీవ్రంగా దెబ్బతింటున్నాయి. పండ్లు, కూరగాయలు వంటి త్వరగా పాడైపోయే సరుకులను రవాణా చేస్తున్న డ్రైవర్లు తీవ్ర ఆందోళనకు గురవుతున్నారు. అంబులెన్స్లు, పర్యాటక వాహనాలు, ఇతర అత్యవసర సేవలకు కూడా తీవ్ర అంతరాయం కలుగుతోంది. ఇంత జరుగుతున్నా స్థానిక యంత్రాంగం గానీ, రహదారి నిర్మాణ సంస్థ గానీ నిమ్మకు నీరెత్తినట్లు వ్యవహరిస్తున్నాయని ప్రయాణికులు ఆరోపిస్తున్నారు. ఈ సమస్యపై వివరణ కోరగా, ఎన్హెచ్ఏఐ ప్రాజెక్ట్ డైరెక్టర్ రంజిత్ వర్మ కెమెరా ముందు మాట్లాడేందుకు నిరాకరించడం గమనార్హం.
The post ఢిల్లీ-కోల్కతా హైవేపై భారీ ట్రాఫిక్ జామ్ appeared first on Navatelangana.
నవతెలంగాణ-హైదరాబాద్ : బిహార్లో ఢిల్లీ-కోల్కతా జాతీయ రహదారి-19పై అత్యంత దయనీయమైన పరిస్థితి నెలకొంది. గత నాలుగు రోజులుగా దాదాపు 65 కిలోమీటర్ల మేర ట్రాఫిక్ పూర్తిగా స్తంభించిపోయింది. వందలాది వాహనాలు బారులు తీరి ఎక్కడికక్కడ నిలిచిపోవడంతో వాహనదారులు, ప్రయాణికులు నరకయాతన అనుభవిస్తున్నారు. గత శుక్రవారం రోహ్తాస్ జిల్లాలో కురిసిన కుండపోత వర్షాల కారణంగా ఈ దుస్థితి ఏర్పడింది. జాతీయ రహదారి విస్తరణ పనుల్లో భాగంగా నిర్మాణ సంస్థ ఏర్పాటు చేసిన సర్వీస్ రోడ్లు, ప్రత్యామ్నాయ మార్గాలు వరద
The post ఢిల్లీ-కోల్కతా హైవేపై భారీ ట్రాఫిక్ జామ్ appeared first on Navatelangana.
