రెస్టారెంట్లు అంటే తినడానికి వచ్చే ప్రదేశాలే కావు..
పలు అనుభవాలను అందించే హబ్‌లు
ఇక్కడే లెక్చర్లు, వర్క్‌షాప్‌లు, పెయింటింగ్‌లు, సినిమా షోలు
అన్ని వయస్సులవారిని ఆకర్షిస్తున్న మార్పు
భారత్‌లోని పలు నగరాల్లో కొత్త ధోరణి
రెస్టారెంట్లలో ట్రెండ్‌ మారుతోంది. సాధారణంగా కుటుంబ సభ్యులు, స్నేహితులు, బంధువులతో కలిసి వచ్చి ఇక్కడ నచ్చిన ఆహార పదార్థాలు, పానీయాలను తీసుకోవడం చేస్తాం. అయితే కాలం మారినా కొద్దీ రెస్టారెంట్లలో ఆతిథ్యం తీరు మారుతోంది. ఇవి కేవలం తినడానికి వచ్చే ప్రదేశాలు మాత్రమే కావు.. లెక్చర్లు, పెయింటింగ్‌లు, సినిమాలు, బోర్డ్‌ గేమ్స్‌, కాక్‌టెయిల్‌ క్లాసుల వంటి అనేక అనుభవాలను అందించే హబ్‌లుగా మారుతున్నాయి. భారత్‌లోని ఢిల్లీ, ముంబయి, కోల్‌కతా, చెన్నై, బెంగళూరు, హైదరాబాద్‌ వంటి అనేక ప్రముఖ నగరాల్లోని రెస్టారెంట్లలో ఈ కొత్త ధోరణి కనిపిస్తున్నది.
న్యూఢిల్లీ : భారతీయ రెస్టారెంట్లు మరింత కొత్త మార్పులను సంతరించుకుంటున్నాయి. ‘ఎక్స్‌పీరియెన్స్‌ సెంటర్స్‌’గా మారుతూ.. కస్టమర్లకు కొత్త అనుభూతిని పంచుతున్నాయి. రెస్టారెంట్‌ అంటే తినడం, నచ్చిన పానియాలను అందించేవి మాత్రమే కాదనీ.. అక్కడికి వచ్చే వారిని పలు కార్యక్రమాలతో అలరించే, కొత్త అనుభవాలను పంచే కేంద్రాలని చూపిస్తున్నాయి. వర్క్‌షాప్‌లు, పిజ్జా తయారీ, సుషి రోల్‌ చేయడం, మట్టితో కళాకృతులు చేయడం, మగ్గు పెయింటింగ్‌, థియేటర్‌ షోలు, సినిమా స్క్రీనింగ్స్‌.. ఇలా భోజనంతో పాటు భిన్న అనుభవాలను కూడా పంచుతున్నాయి.
కొత్త మార్పులతో జనం తాకిడి
సోషియల్‌ అనే ప్రసిద్ధ బార్‌చైన్‌ ఆగస్టులో బెంగళూరు లోని ఇందిరానగర్‌ బ్రాంచ్‌లో ‘బ్యాట్స్‌ అండ్‌ బూజ్‌’ అనే మొదటి లెక్చర్‌ను నిర్వహించింది. దీనిని బాట్‌ రీసెర్చర్‌ డాక్టర్‌ రోహిత్‌ చక్రవర్తి నిర్వహించగా.. ‘ప్రింట్‌ ఆఫ్‌ వ్యూ’ బృందం ఈ కార్యక్రమాన్ని రూపొందించింది. దీనికి సంబం ధించి టికెట్లు వెంటనే అమ్ముడయ్యాయని నిర్వాహకులు తెలిపారు. ఇక ఢిల్లీ సాకేత్‌లోని ‘సోషియల్‌’లో ‘హౌ ఐ మెట్‌ యువర్‌ మ్యాటర్‌’ అనే విద్యాపరమైన ఇంటరాక్టివ్‌ సెషన్‌ను నిర్వహించారు. ఇందులో కాఫీ మగ్గుల నుంచి దుస్తుల వరకు.. రోజువారీ వినియోగించే వస్తువుల గురించి కార్యక్రమాన్ని జరిపారు. దీనికి పెద్దల నుంచి మంచి స్పందన ఏర్పడింది. తాము తమకు ఇష్టమైన భోజనాన్ని తింటూ, నచ్చిన పానియాలను తీసుకుంటూ అక్కడి కార్యక్రమాలను చూసి కొత్త అనుభూతిని పొందారు. జ్ఞానాన్ని పొందటం, కొత్త స్నేహాలు ఏర్పడటం, సరదాగా సమయం గడపడం అందరికీ నచ్చింది.
కోవిడ్‌ తర్వాత మారిన పరిస్థితులు
ఇప్పటి వరకు రెస్టారెంట్లలో లైవ్‌ మ్యూజిక్‌ మాత్రమే ప్రత్యేక ఆకర్షణగా ఉండేది. కానీ ఇప్పుడు ఖరీదైన ఫైన్‌ డైనింగ్‌ రెస్టారెంట్లు కూడా థియేటర్‌ షోలు (నాటకాలు, ప్రదర్శనలు) వంటివి చూపించడం ప్రారంభించాయి. ఢిల్లీలో కొత్తగా తెరుచుకున్న ఓ రెస్టారెంట్‌.. అంతర్జాతీయ కళాకారుల థియేట్రికల్‌ షోతో పాటు మల్టీక్యూసిన్‌ భోజనం, కాక్‌టెయిల్‌లు అందిస్తున్నది. ఈ మార్పులపై ఓ రెస్టారెంట్‌కు చెందిన యజమాని షీట్‌ దిలా మాట్లాడుతూ.. ”పాశ్చాత్య దేశాల్లో బార్లు చాలాకాలం నుంచి స్నేహితులు, కుటుంబాలు కలిసి గడిపే సామాజిక ప్రదేశాలుగా వాడుతున్నారు. కానీ భారత్‌లో బార్‌ అంటే ముందు గా కేవలం డ్రింక్‌ తీసుకొని త్వరగా వెళ్లిపోవడానికి మాత్రమే వాడుకునేవారు. కానీ కోవిడ్‌ తర్వాత ఈ పరిస్థితి మారింది. భారత్‌లో అనేక కుటుంబాలు, వివిధ వయసుల వారు కలిసి రెస్టారెంట్లకు వస్తున్నారు. వర్క్‌షాపుల్లో, ఇతర కార్యక్రమాల్లో వీరు పాల్గొంటున్నారు. ఈ తీరు పెరిగింది” అని అన్నారు.
పలు వర్గాలకు చెందిన ప్రజలను కలిపే వేదికలుగా రెస్టారెంట్లు, బార్లు మారాయి. ఇక్కడ పలు సామాజిక, రాజకీయ, క్రీడాంశాల మీద చర్చలు కనిపిస్తున్నాయి. ఎన్నికల వాతావరణం, ఐపీఎల్‌, వరల్డ్‌కప్‌ వంటి అంతర్జాతీయ మ్యాచ్‌లు జరిగినప్పుడు కూడా రెస్టారెంట్లకు అభిమానుల తాకిడి పెరుగుతుంది. దీంతో స్నేహితులు, బంధువులు, తమకు నచ్చినవారితో వచ్చి వారు తమ అనుభూతిని, ఆనందాలను మరింత రెట్టింపు చేసుకుంటున్నారని నిర్వాహకులు చెప్తున్నారు. ఇక్కడకు వచ్చే కస్టమర్లను పలు రకాల ఆహార పదార్థాలతో పాటు కార్యక్రమాలతో అలరించి ‘సంపూర్ణమైన అనుభవం’గా మార్చటమే తమ ఉద్దేశ్యమని పలువురు రెస్టారెంట్‌ యజమానులు చెప్తున్నారు.
కొత్త అనుభూతులు పంచే కేంద్రాలు
కొన్ని కెఫేలు, రెస్టారెంట్లు కాన్వాస్‌ పెయింటింగ్‌, మగ్గు పెయింటింగ్‌, క్లీ మోడలింగ్‌ కార్యక్రమాలు కూడా నిర్వహిస్తున్నాయి. గురుగ్రామ్‌లో పాస్తా తయారీ వర్క్‌షాప్‌లు, లియోస్‌ పిజ్జేరియాలో ఆదివారం పిజ్జా తయారీ క్లాసులు, సుషి రోలింగ్‌ సెషన్లు వంటివి యంగ్‌ జనరేషన్‌ను ఆకట్టుకుంటున్నాయి. ”ఇప్పుడు రెస్టారెంట్లు అంటే భోజనాన్ని అందించేవి మాత్రమే కావు.. అనుభవాలను పంచే కేంద్రాలు. ఇక్కడ జరిగే కార్యక్రమాలు, షోలు, ఈవెంట్‌లు, క్లాస్‌లు వంటివి రెస్టారెంట్‌ జ్ఞాపకాలను మరింత బలంగా మారుస్తాయి” అని ఓ రెస్టారెంట్‌ యజమాని చెప్పారు.
The post ట్రెండ్‌ మారుతోంది..! appeared first on Navatelangana.
రెస్టారెంట్లు అంటే తినడానికి వచ్చే ప్రదేశాలే కావు.. పలు అనుభవాలను అందించే హబ్‌లుఇక్కడే లెక్చర్లు, వర్క్‌షాప్‌లు, పెయింటింగ్‌లు, సినిమా షోలుఅన్ని వయస్సులవారిని ఆకర్షిస్తున్న మార్పుభారత్‌లోని పలు నగరాల్లో కొత్త ధోరణి రెస్టారెంట్లలో ట్రెండ్‌ మారుతోంది. సాధారణంగా కుటుంబ సభ్యులు, స్నేహితులు, బంధువులతో కలిసి వచ్చి ఇక్కడ నచ్చిన ఆహార పదార్థాలు, పానీయాలను తీసుకోవడం చేస్తాం. అయితే కాలం మారినా కొద్దీ రెస్టారెంట్లలో ఆతిథ్యం తీరు మారుతోంది. ఇవి కేవలం తినడానికి వచ్చే ప్రదేశాలు మాత్రమే కావు.. లెక్చర్లు,
The post ట్రెండ్‌ మారుతోంది..! appeared first on Navatelangana.