– సోనియా, రాహుల్‌లపై నేరపూరిత కుట్ర అభియోగాలు
– మరో నలుగురిపై కూడా..
– ఈడీ సమాచారంతో ఢిల్లీ ఈఓడబ్ల్యూ తాజా చర్యలు
న్యూఢిల్లీ : నేషనల్‌ హెరాల్డ్‌ కేసులో కీలక పరిణామం చోటు చేసుకున్నది. కాంగ్రెస్‌ అగ్రనేతలు సోనియాగాంధీ, రాహుల్‌గాంధీలతోపాటు మరో నలుగురిపై కొత్త ఎఫ్‌ఐఆర్‌ నమోదైంది. ఎన్‌ఫోర్స్‌మెంట్‌ డైరెక్టరేట్‌ (ఈడీ) ఇచ్చిన సమాచారంతో వారిపై నేరపూరిత కుట్ర అభియోగాలు మోపినట్టు ఢిల్లీ ఆర్థిక నేరాల విభాగం (ఈఓడబ్ల్యూ) పోలీసులు తెలిపారు.ఈ కేసులో కాంగ్రెస్‌ నేతలు సోనియాగాంధీ, రాహుల్‌ గాంధీ, మోతీలాల్‌ వోరా, ఆస్కార్‌ ఫెర్నాండెజ్‌, సుమన్‌ దూబే, శ్యామ్‌ పిట్రోడాలతోపాటు యంగ్‌ ఇండియా సంస్థ కూడా కుట్ర, మనీలాండరింగ్‌కు పాల్పడినట్టు ఈడీ ఆరోపిస్తోంది. వీరందరూ కుట్రపూరితంగా కేవలం రూ.50 లక్షలు చెల్లించి.. అసోసియేటెడ్‌ జర్నల్స్‌ లిమిటెడ్‌ (ఏజేఎల్‌)కు చెందిన రూ.2వేల కోట్ల విలువైన ఆస్తులపై అధికారాన్ని పొందారని వెల్లడించింది. అయితే కేసులో నిందితులుగా ఉన్న మోతీలాల్‌ వోరా 2020లో, ఆస్కార్‌ ఫెర్నాండెజ్‌ 2021లో మరణించారు. నేషనల్‌ హెరాల్డ్‌ పత్రికను ప్రచురిస్తున్న ఏజేఎల్‌కు కాంగ్రెస్‌ పార్టీ రూ.90 కోట్ల రుణం అందించి దాని ఆస్తుల్ని ఆధీనంలోకి తీసుకోగా.. రాహుల్‌, సోనియాకు మెజార్టీ వాటా ఉన్న యంగ్‌ ఇండియా రూ.50 లక్షలు మాత్రమే కాంగ్రెస్‌ పార్టీకి చెల్లించి ఏజేఎల్‌ను సొంతం చేసుకొన్నట్టు ఈడీ అభియోగపత్రంలో వివరించింది. దీంతో తాజా పరిణామం ప్రాధాన్యతను సంతరించుకున్నది.
The post నేషనల్‌ హెరాల్డ్‌ కేసులో కొత్త ఎఫ్‌ఐఆర్‌ appeared first on Navatelangana.
– సోనియా, రాహుల్‌లపై నేరపూరిత కుట్ర అభియోగాలు– మరో నలుగురిపై కూడా..– ఈడీ సమాచారంతో ఢిల్లీ ఈఓడబ్ల్యూ తాజా చర్యలున్యూఢిల్లీ : నేషనల్‌ హెరాల్డ్‌ కేసులో కీలక పరిణామం చోటు చేసుకున్నది. కాంగ్రెస్‌ అగ్రనేతలు సోనియాగాంధీ, రాహుల్‌గాంధీలతోపాటు మరో నలుగురిపై కొత్త ఎఫ్‌ఐఆర్‌ నమోదైంది. ఎన్‌ఫోర్స్‌మెంట్‌ డైరెక్టరేట్‌ (ఈడీ) ఇచ్చిన సమాచారంతో వారిపై నేరపూరిత కుట్ర అభియోగాలు మోపినట్టు ఢిల్లీ ఆర్థిక నేరాల విభాగం (ఈఓడబ్ల్యూ) పోలీసులు తెలిపారు.ఈ కేసులో కాంగ్రెస్‌ నేతలు సోనియాగాంధీ, రాహుల్‌ గాంధీ,
The post నేషనల్‌ హెరాల్డ్‌ కేసులో కొత్త ఎఫ్‌ఐఆర్‌ appeared first on Navatelangana.