ఫిబ్రవరి 14న తుది జాబితా
ఈసీ ఉత్తర్వులు జారీ
నవతెలంగాణ-న్యూఢిల్లీ బ్యూరో
వివాదాస్పద ప్రత్యేక సమగ్ర సవరణ (సర్‌) ప్రక్రియ విషయంలో ఈసీ మరో నిర్ణయం తీసుకున్నది. దేశంలోని 12 రాష్ట్రాలు, కేంద్రపాలిత ప్రాంతాల (యూటీలు)లో జరుపుతోన్న సర్‌ గడువును వారం రోజులకు పొడిగిం చింది. ఈ మేరకు ఆదివారం ఉత్త ర్వులు జారీ చేసింది. దీంతో ఓటర్ల లెక్కింపు డిసెంబర్‌ 4కు బదులు డిసెంబర్‌ 11న ముగియనున్నది. ‘సర్‌’ గడువు పొడిగింపు నేపథ్యంలో ఆయా రాష్ట్రాలు, కేంద్రపాలిత ప్రాంతాల్లో డిసెంబర్‌ 9న విడుదల చేయాల్సిన ముసాయిదా ఓటర్ల జాబితాను డిసెంబర్‌ 16న విడుదల చేస్తారు. ఫిబ్రవరి 14న తుది జాబితా ప్రచురించనున్నట్టు ఈసీ పేర్కొన్నది. బీహార్‌ రాష్ట్ర అసెంబ్లీ ఎన్నికల్లో భాగంగా చేపట్టిన సర్‌ రాజకీయంగా తీవ్ర దుమారం రేపిన విషయం విదితమే. ఇప్పుడు దేశవ్యాప్తంగా మరో 12 రాష్ట్రాలు, యూటీలలో సర్‌ను నిర్వహిస్తుం డటం తీవ్ర విమర్శలు, వ్యతిరేకతకు దారి తీసింది.
పలు రాష్ట్రాల్లో ప్రధానంగా పశ్చిమ బెంగాల్‌లో ‘సర్‌’ విధుల్లో ఉన్న ఎన్నికల అధికారులు, బూత్‌ లెవల్‌ ఆఫీసర్స్‌(బీఎల్‌ఓలు) తీవ్ర పని ఒత్తిడి, వేధింపుల కారణంగా ఆత్మహత్యలకు పాల్పడుతున్నారు. గుజరాత్‌ వంటి రాష్ట్రాల్లో బీఎల్‌ఓలు నిరసనలూ చేశారు. తమ బాధలు, అసంతృప్తిని వెళ్లగక్కారు. సర్‌ ప్రక్రియ ఇటు ఓటర్లకూ తీవ్ర ఇబ్బందికరంగానే మారింది. 2002 నాటి సమాచారాన్ని పొందటం వారికి కష్టంగా మారింది. అటు బీఎల్‌ఓలు, ఇటు ప్రజలూ సర్‌ కారణంగా ఆందోళనకు, గందరగోళానికి గురవుతున్నారు. సీఈసీని కలిసిన టీఎంసీ నేతలు తక్కువ సమయం ఇచ్చి డెడ్‌లైన్‌ లోపు ‘సర్‌’ ప్రక్రియను పూర్తి చేయాలని ఎన్నికల అధికారులు, బీఎల్‌ఓలపై ఒత్తిడి చేస్తున్నారని ప్రతిపక్ష పార్టీలు అధికారంలో ఉన్న రాష్ట్ర ప్రభుత్వాలు ఈసీపై ఇప్పటికే ఆగ్రహాన్ని వ్యక్తం చేశాయి.
‘సర్‌’ ప్రక్రియను వాయిదా వేయాలని డిమాండ్‌ చేశాయి. పశ్చిమ బెంగాల్‌లోని అధికార తృణమూల్‌ కాంగ్రెస్‌(టీఎంసీ), ఇతర ప్రతిపక్ష పార్టీలు సర్‌ వ్యతిరేక రాగాన్ని బలంగానే వినిపిస్తున్నాయి. ఈ మేరకు ఆయా పార్టీల నేతలు ఢిల్లీలో ప్రధాన ఎన్నికల కమిషనర్‌ జ్ఞానేశ్‌ కుమార్‌ను కలిశారు. సర్‌ ప్రక్రియను రీషెడ్యూల్‌ చేయాలని ఈసీని కోరారు. సోమవారం నుంచి ప్రారంభంకానున్న పార్లమెంట్‌ శీతాకాల సమావేశాల్లో ఉభయ సభలను ‘సర్‌’ అంశం కుదిపేయనున్నది. ఈ విషయాన్ని పార్లమెంటులో లేవనెత్తుతామని కాంగ్రెస్‌ సహా పలు పార్టీల నాయకులు ఇప్పటికే ప్రకటించారు. ఈ నేపథ్యంలో ‘సర్‌’ గడువును ఈసీ మరో వారం ఈసీ పొడిగించటం గమనార్హం.
The post ‘సర్‌’ గడువు వారం పొడిగింపు appeared first on Navatelangana.
ఫిబ్రవరి 14న తుది జాబితా ఈసీ ఉత్తర్వులు జారీ నవతెలంగాణ-న్యూఢిల్లీ బ్యూరోవివాదాస్పద ప్రత్యేక సమగ్ర సవరణ (సర్‌) ప్రక్రియ విషయంలో ఈసీ మరో నిర్ణయం తీసుకున్నది. దేశంలోని 12 రాష్ట్రాలు, కేంద్రపాలిత ప్రాంతాల (యూటీలు)లో జరుపుతోన్న సర్‌ గడువును వారం రోజులకు పొడిగిం చింది. ఈ మేరకు ఆదివారం ఉత్త ర్వులు జారీ చేసింది. దీంతో ఓటర్ల లెక్కింపు డిసెంబర్‌ 4కు బదులు డిసెంబర్‌ 11న ముగియనున్నది. ‘సర్‌’ గడువు పొడిగింపు నేపథ్యంలో ఆయా రాష్ట్రాలు, కేంద్రపాలిత
The post ‘సర్‌’ గడువు వారం పొడిగింపు appeared first on Navatelangana.