బ్రహ్మయ్య మృతి కార్మిక ఉద్యమానికి తీరని లోటు

సీపీఐ(ఎం) రాష్ట్ర కార్యదర్శి జాన్‌వెస్లీ
గాండ్లగూడలో బ్రహ్మయ్య అంత్యక్రియలు పూర్తి

నవతెలంగాణ-యాచారం
సీఐటీయూ జిల్లా నాయకులు బ్రహ్మయ్య మృతి కార్మిక ఉద్యమానికి తీరని లోటని సీపీఐ(ఎం) రాష్ట్ర కార్యదర్శి జాన్‌వెస్లీ అన్నారు. పెండ్యాల బ్రహ్మయ్య అనారోగ్యంతో శనివారం రాత్రి మృతి చెందారు. రంగారెడ్డి జిల్లా యాచారం మండల పరిధిలోని గాండ్లగూడలో ఆదివారం ఆయన అంత్యక్రియలు నిర్వహించారు. అంతకుముందు బ్రహ్మయ్య మృతదేహంపై పార్టీ నాయకులతో కలిసి జాన్‌వెస్లీ ఎర్రజెండా కప్పి నివాళి అర్పించారు. కుటుంబ సభ్యులకు ప్రగాఢ సానుభూతి తెలిపారు. బ్రహ్మయ్య అంతిమయాత్ర గాండ్లగూడ నుంచి యాచారం అంబేద్కర్‌ చౌరస్తా వరకు సాగింది. ఆయనను కడసారి చూసేందుకు అంగన్‌వాడీలు, ఆశావర్కర్లు, మధ్యాహ్న భోజన కార్మికులు, భవన నిర్మాణ, ఆటో కార్మికులు, ఇతర పార్టీల నాయకులు తరలివచ్చారు.

ఈ సందర్భంగా జాన్‌వెస్లీ మాట్లాడుతూ.. బ్రహ్మయ్య భవన నిర్మాణ కార్మికుడిగా పార్టీకి పరిచయమై అంచెలంచెలుగా ఎదిగారని తెలిపారు. పార్టీ యాచారం మండల కార్యదర్శిగా, సీఐటీయూ మండల కన్వీనర్‌గా పనిచేస్తూ కార్మికుల సమస్యలపై పోరాడారని చెప్పారు. అలాంటి నాయకుడి అకాల మరణం కార్మిక ఉద్యమానికి, పార్టీకి తీరని లోటని అన్నారు. ఆయన కుటుంబానికి పార్టీ ఎల్లవేళలా అండగా ఉంటుందని చెప్పారు. పార్టీలో, సీఐటీయూ ఉద్యమంలో కామ్రేడ్‌ బ్రహ్మయ్య అందించిన స్ఫూర్తిని ముందుకు తీసుకెళ్లాలని పిలుపునిచ్చారు. జాన్‌వెస్లీ, పార్టీ జిల్లా కార్యదర్శి పగడాల యాదయ్య తదితరులు బ్రహ్మయ్య పాడె మోశారు.

కార్యక్రమంలో సీపీఐ(ఎం) రాష్ట్ర కార్యదర్శివర్గ సభ్యులు చుక్క రాములు, పాలడుగు భాస్కర్‌, సీనియర్‌ నాయకులు పెసరికాయల జంగారెడ్డి, రాష్ట్ర కమిటీ సభ్యులు భూపాల్‌, జిల్లా కార్యదర్శివర్గ సభ్యులు కాడిగళ్ల భాస్కర్‌, చంద్ర మోహన్‌, డి.రామచందర్‌, కందుకూరి జగన్‌, డి.జగదీష్‌, కవిత, ఈ.నరసింహ, మండల కార్యదర్శి ఆలంపల్లి నరసింహ, జిల్లా కమిటీ సభ్యులు పి.అంజయ్య, కీసర నర్సిరెడ్డి, శోభన్‌, శ్రీనివాస్‌రెడ్డి, రావుల జంగయ్య, సీనియర్‌ నాయకులు బి.మధు సూదన్‌రెడ్డి, లాయర్‌ అరుణ్‌కుమార్‌, సీపీఐ రాష్ట్రనాయకులు రవీంద్రచారి, ఓ.యాదయ్యగౌడ్‌, కాంగ్రెస్‌ నాయకులు, మాజీ ఎంపీపీ వెంకటేశ్వర్లు తదితరులు పాల్గొన్నారు.

The post బ్రహ్మయ్య మృతి కార్మిక ఉద్యమానికి తీరని లోటు appeared first on Navatelangana.

​సీపీఐ(ఎం) రాష్ట్ర కార్యదర్శి జాన్‌వెస్లీ గాండ్లగూడలో బ్రహ్మయ్య అంత్యక్రియలు పూర్తి నవతెలంగాణ-యాచారంసీఐటీయూ జిల్లా నాయకులు బ్రహ్మయ్య మృతి కార్మిక ఉద్యమానికి తీరని లోటని సీపీఐ(ఎం) రాష్ట్ర కార్యదర్శి జాన్‌వెస్లీ అన్నారు. పెండ్యాల బ్రహ్మయ్య అనారోగ్యంతో శనివారం రాత్రి మృతి చెందారు. రంగారెడ్డి జిల్లా యాచారం మండల పరిధిలోని గాండ్లగూడలో ఆదివారం ఆయన అంత్యక్రియలు నిర్వహించారు. అంతకుముందు బ్రహ్మయ్య మృతదేహంపై పార్టీ నాయకులతో కలిసి జాన్‌వెస్లీ ఎర్రజెండా కప్పి నివాళి అర్పించారు. కుటుంబ సభ్యులకు ప్రగాఢ సానుభూతి తెలిపారు.
The post బ్రహ్మయ్య మృతి కార్మిక ఉద్యమానికి తీరని లోటు appeared first on Navatelangana.  

Leave a Reply

Your email address will not be published. Required fields are marked *